قصة استحواذ متجر نرد ولعبة شفته

Thursday February 17th, 2022

قصة نجاح لعبة شفته ومتجر نرد

 

Sorry, this entry is only available in Arabic.

القصة اليوم تُروى على لسان صاحبها أسامة السحيباني حيث بدأ رواية قصته عبر حسابه في تويتر قائلًا:

 

قبل فترة أعلنت انسحابي من متجري اللي ربيته 3 سنين و أعلنت عن خسايري..

فجأة أ.نواف الضراب يرسل لي بالخاص :ودي أجلس معك..!!

قلت أكيد سواليف الجلسة عن التسويق و أنا تعبت من هالموضوع فخلني اختصر على نفسي و عليه وقلت له تراي منب راجع.. رد وقال: لي تبيع.؟!!!

أنا أقول المشروع خسران وموب ناجح ويقول لي تبيع المشروع!!

 

طيب ايش صار ؟

 

رحت جلست معهم و قالوا لي ان عندهم شركة جديدة اسمها تن اكس، فكرتها إذا عندك مشروع ما نجح لأي سبب كان وهم يشوفون إنهم يقدرون ينجحون المشروع  يشترونه منك و ينجحونه، لأنهم ناس متخصصين وفاهمين بالتجارة الالكترونية.

 

شعور جميل رغم الخسائر.

 

اتفقنا مع د.تميم الغنّام على سعر البيع وجاء اليوم اللي اتخارج فيه من أول مشروع سويته، 

شعور جميل رغم الخسائر. موب لازم يكون تخارج بمبلغ فلكي عشان أقول تخارج لكن هذا الهدف من إنشاء متجر نرد،

كانت الخطة يباع لشركة كبيرة مثل جرير أو ألعاب الحسين والحمد لله تم جزء من الخطة ولو بشيء صغير.

 

ابتكار حبيس الأدراج لاقى استحسان 10X

 

طبعًا كان البيع للمتجر كامل وكان فيه شيء آخر اللي هو ابتكار للعبة سميتها مسامير ولعبة سميتها أصحاب ثنيان لم تلاقي التوفيق وقبول الأطراف المعنية، لكن في شركة تن اكس كانوا معجبين جدا بهذا الابتكار وأصروا على شرائه بالنموذج الأوّلي وتم تعديل الاسم إلى لعبة شفته متوفرة الآن للشراء على متجر نرد (متجر نرد).